തൃശ്ശൂർ സഹോദയ സ്കൂൾ കോംപ്ലക്സ് ബാസ്ക്കറ്റ്ബോൾ ടൂർണ്ണമെൻറിന് ആതിഥേയരായി മുണ്ടൂർ നിർമ്മൽ ജ്യോതി.
മുണ്ടൂർ:
തൃശൂർ ജില്ലാതല സഹോദയ സ്കൂൾ കോംപ്ലക്സ് സിബിഎസ്ഇ സ്കൂളുകളുടെ ബാസ്ക്കറ്റ്ബോൾ ടൂർണ്ണമെൻറ് മുണ്ടൂർ നിർമ്മൽ ജ്യോതി സെൻട്രൽ സ്കൂളിൽ സംഘടിപ്പിച്ചു.
മുൻ കേരള ബാസ്ക്കറ്റ്ബോൾ ക്യാപ്റ്റനും, കാലിക്കറ്റ് സർവ്വകലാശാല ബാസ്ക്കറ്റ്ബോൾ ക്യാപ്റ്റനും സബ് ഇൻസ്പെക്ടറുമായ ജിയോ ജോൺ കെ പരിപാടി ഉദ്ഘാടനം ചെയ്തു . കൺവീനർമാരായ നിർമ്മൽ ജ്യോതി പ്രിൻസിപ്പാൾ സിസ്റ്റർ മേഴ്സി ജോസഫ് എസ് എച്ച്, തങ്ങാലൂർ ദേവമാത പ്രിൻസിപ്പാൾ ഫാ. സിന്റോ നങ്ങിണി സി എം ഐ എന്നിവർ ആശംസകൾ അർപ്പിച്ചു. തൃശ്ശൂർ ജില്ലയിലെ 40 ഓളം സിബിഎസ്ഇ സ്കൂൾ ടീമുകൾ മത്സരത്തിൽ പങ്കെടുത്തു. പ്രശസ്ത ബാസ്ക്കറ്റ്ബോൾ കളിക്കാരും കോച്ചുമാരുമായ വി എം പ്രേം കുമാറും ജോർജ് വി എ യും മത്സരങ്ങൾക്ക് നേതൃത്വം നൽകി.
