ബൈക്ക് മോഷണം; പ്രതി പോലീസിന്റെ പിടിയിൽ
കേച്ചേരി : കേച്ചേരിയിൽ വീട്ടുമുറ്റത്ത് പാർക്ക് ചെയ്ത ബൈക്ക് മോഷ്ടിച്ച സംഭവത്തിൽ പ്രതിയെ കുന്നംകുളം പോലീസ് അറസ്റ്റ് ചെയ്തു.
തയ്യൂർ സ്വദേശി ചീരോത്ത് വീട്ടിൽ 23 വയസ്സുള്ള ജിഷ്ണുവിനെയാണ് കുന്നംകുളം സ്റ്റേഷൻ ഹൗസ് ഓഫീസർ യുകെ ഷാജഹാന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. കേച്ചേരി സ്വദേശി മുഹമ്മദ് ഇർഫാന്റെ 30000 രൂപ വില വരുന്ന ഹീറോ ഗ്ലാമർ ബൈക്കാണ് മോഷണം പോയത്. മെയ് 19ന് രാത്രി 9:30 ക്കും മെയ് 20 രാവിലെ 10:30ന് ഇടയിലാണ് മോഷണം നടന്നത്. കേച്ചേരി റെനിൽ റോഡിലുള്ള വീടിന്റെ മുറ്റത്ത് പാർക്ക് ചെയ്തിരുന്ന ബൈക്കാണ് മോഷണം പോയത്. സംഭവത്തെ തുടർന്ന് ബൈക്കിന്റെ ഉടമ കുന്നംകുളം പോലീസിൽ നൽകിയ പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം നടത്തി വരുന്നതിനിടയിലാണ് പ്രതി പിടിയിലായത്. വൈദ്യ പരിശോധനയ്ക്കുശേഷം പ്രതിയെ കോടതിയിൽ ഹാജരാക്കി.
