ഭിന്നശേഷി കലോത്സവം

തൃശ്ശൂർ ഒളരിക്കരയിൽ ഭിന്നശേഷിക്കാർക്കായി രണ്ടാമത് ദർശന ഭിന്നശേഷി കലോത്സവം സംഘടിപ്പിക്കുന്നു

    ദർശന സർവീസ് സൊസൈറ്റിയും ഒളരിക്കര നവജ്യോതി കോളേജും സംയുക്തമായാണ് 'കലാമികവ് 2026' എന്ന പേരിൽ ഈ കലോത്സവം ഒരുക്കുന്നത്. ഭിന്നശേഷിക്കാരുടെ കലാവാസനകളെ പ്രോത്സാഹിപ്പിക്കുക എന്ന ലക്ഷ്യത്തോടെ ഫെബ്രുവരി 21-നാണ് പരിപാടി നടക്കുക. ലളിതഗാനം, നാടൻപാട്ട്, മിമിക്രി, നാടോടിനൃത്തം ഉൾപ്പെടെ പത്തോളം മത്സര ഇനങ്ങളാണ് കലോത്സവത്തിൽ ഉൾപ്പെടുത്തിയിരിക്കുന്നത്. പതിനഞ്ച് മുതൽ അമ്പത് വയസ്സ് വരെയുള്ളവർക്ക് മത്സരങ്ങളിൽ പങ്കെടുക്കാം. ഒരു വ്യക്തിക്ക് പരമാവധി മൂന്ന് ഇനങ്ങളിൽ വരെ മത്സരിക്കാൻ അവസരമുണ്ട്. ഫെബ്രുവരി 15 വരെയാണ് രജിസ്ട്രേഷൻ കാലാവധി. ഒളരിക്കര നവജ്യോതി കോളേജിൽ വെച്ചാണ് കലോത്സവം നടക്കുക. വിജയികൾക്ക് മെഡലുകളും സർട്ടിഫിക്കറ്റുകളും വിതരണം ചെയ്യും.