ക്ഷേത്ര ഭണ്ഡാരം കുത്തി തുറന്നു മോഷണം നടത്തിയ കള്ളൻ പിടിയിൽ
പേരാമംഗലം:
പറപ്പൂർ മാങ്കാവ് ശിവ പാർവതി ക്ഷേത്രത്തിലെ ഭണ്ഡാരത്തിൻ്റെ പൂട്ട് പൊളിച്ചു അതിലുണ്ടായിരുന്ന 6000 രൂപയോളം മോഷ്ടിച്ച നാഗത്താൻ കാവ് സ്വദേശി വിഘ്നേഷ് ആണ് പൊലീസ് പിടിയിലായത്. നിരവധി കേസുകളിൽ പ്രതിയാണ് വിഘ്നേഷ്. പേരാമംഗലം ഇൻസ്പെക്ടർ രതീഷ്.കെ.സി യുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. കൈപ്പറമ്പിൽ മധ്യ വയസ്കനെ കൊലപ്പെടുത്താൻ ശ്രമിച്ച കേസിൽ കഴിഞ്ഞ ആഴ്ചയാണ് പ്രതി ജാമ്യത്തിൽ ഇറങ്ങിയത്. അന്വേഷണ സംഘത്തിൽ സബ് ഇൻസ്പെക്ടർ പ്രീത ബാബു, സബ് ഇൻസ്പെക്ടർ അജ്മൽ ഷാഹിദ്, അസിസ്റ്റൻ്റ് സബ് ഇൻസ്പെക്ടർ ശ്രീകുമാർ,സീനിയർ സിവിൽ പോലീസ് ഓഫീസർ അമീർഖാൻ, സിവിൽ പൊലീസ് ഓഫീസർ അജിത്, കിരൺ ലാൽ, എന്നിവരും ഉണ്ടായിരുന്നു.
