ചിറ്റിലപ്പിള്ളി സെന്റ് റീത്തായുടെ ദൈവാലയത്തില്‍ വിശുദ്ധ റീത്തായുടെയും വിശുദ്ധ സെബസ്ത്യാനോസിന്റെയും 76-ാമത് സംയുക്ത തിരുന്നാൾ ഇന്ന്.
ചിറ്റിലപ്പിള്ളി:
തിരുന്നാള്‍ ദിനമായ ഇന്ന് രാവിലെ 10.30ന് ആഘോഷമായ തിരുന്നാള്‍ കുര്‍ബ്ബാനയ്ക്ക് പാവറട്ടി സെന്റ് ജോസഫ് ആശ്രമം സുപ്പീരിയര്‍ ഫാ.ജോസഫ് ആലപ്പാട്ട് സി.എം.ഐ. മുഖ്യകാര്‍മ്മികനാകും, അതിരൂപതാ പ്രോക്യുറേറ്റര്‍ ഫാ.ഫ്രാന്‍സിസ് പള്ളിക്കുന്നത്ത് തിരുന്നാള്‍ സന്ദേശം നല്കും. വൈകീട്ട് 4 ന് വിശുദ്ധ കുര്‍ബ്ബാനയ്ക്ക് ഫാ. സലീഷ് അറങ്ങാശ്ശേരി കാര്‍മ്മികനാകും തുടര്‍ന്ന് തിരുന്നാള്‍ പ്രദക്ഷിണവും ആകാശക്കാഴ്ച എന്നിവ നടക്കും . നാളെ ( തിങ്കള്‍) വൈകീട്ട് 7ന് തിരുവനന്തപുരം സാഹിതി തിയ്യറ്റേഴ്‌സ് അവതരിപ്പിക്കുന്ന നാടകം മുച്ചീട്ടുകളിക്കാരന്റെ മകള്‍ അരങ്ങേറും. ഇടവക വികാരി ഫാ.ജോളി ചിറമ്മല്‍, ജനറല്‍ കണ്‍വീനര്‍ ബിജു വര്‍ഗ്ഗീസ്, കൈക്കാരന്മാരായ എ.ആര്‍. തോമസ്, സലേഷ്യസ് ചിറ്റിലപ്പിള്ളി, ജോണ്‍ തൈക്കാട്ടില്‍ എന്നിവരും വിവിധ കമ്മറ്റി കണ്‍വീനര്‍മാരും നേതൃത്വം നൽകുന്നു.
തിരുന്നാളിനോട്‌ അനിബന്ധിച്ച് ചിറ്റിലപ്പിള്ളി സെന്റ് റീത്തായുടെ ദൈവാലയം ദീപപ്രഭയിൽ.
