പോക്സോ കേസിൽ പ്രതിയ്ക്ക് 37 വർഷം കഠിന തടവും 1.25 ലക്ഷം പിഴയും ശിക്ഷ
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിന് 37 വർഷം കഠിന തടവും 1,25,000 രൂപ പിഴയും ശിക്ഷ. വാടാനപ്പള്ളി ബീച്ച് സ്വദേശി 34 വയസുള്ള തറയിൽ ബിനീഷിനെയാണ് കുന്നംകുളം പ്രത്യേക പോക്സോ കോടതി ജഡ്‌ജ് - എസ് ലിഷ ശിക്ഷിച്ചത്. പിഴ സംഖ്യയിൽ 50,000 രൂപ അതിജീവിതയ്ക്ക് നൽകുന്നതിനും വിധിയിൽ നിർദേശമുണ്ട്. 2017 ൽ അതിജീവിതയുടെ അയൽവാസിയായിരുന്ന പ്രതി വീട്ടിലെത്തിച്ച് ബലാത്സംഗം ചെയ്തെന്നും വിവാഹ വാഗ്‌ദാനം നൽകി കോയമ്പത്തൂരിലേക്ക് തട്ടിക്കൊണ്ടു പോകുകയും ചെയ്തെന്നാണ് കേസ്. അതിജീവിതയുടെ പിതാവ് വാടാനപ്പള്ളി പോലീസിൽ നൽകിയ പരാതിയെ തുടർന്ന് കേസ് രജിസ്റ്റർ ചെയ്തു.
