റവന്യൂ ജില്ലാ കലോത്സവം ;
⭕⭕⭕⭕⭕⭕
കുന്നംകുളം:
റവന്യൂ ജില്ലാ കലോത്സവം ; ഡിസംബർ 3,5,6 7 തിയ്യതികളിലായി കുന്നംകുളത്ത് നടക്കുന്നു.
തൃശൂർ റവന്യൂ ജില്ലാ കലോത്സവത്തിന്റെ മീഡിയ റൂം കുന്നംകുളം ഗവ.മോഡൽ ബോയ്സ് എച്ച്എസ് എസിൽ പ്രസ്സ്ക്ലബ് പ്രസിഡണ്ട് ജോസ് മാളിയേക്കൽ ഉദ്ഘാടനം നിർവ്വഹിച്ചു.
നഗരസഭാ കൗൺസിലറും മീഡിയാ കമ്മിറ്റി ചെയർമാനുമായ ഷാജി ആലിക്കൽ അധ്യക്ഷനായി. നഗരസഭാ കൗൺസിലർമാരായ മിനി മോൻസി, ബിജു സി ബേബി, തൃശൂർ വിദ്യാഭ്യാസ ഉപഡയറക്ടർ അജിതകുമാരി എ. കെ , മീഡിയ കമ്മിറ്റി കൺവീനർ കിറ്റൊ പി. ടി , വൈസ് ചെയർമാൻ നീൽ ടോം, ജോ. കൺവീനർ ജീസൺ കാക്കശ്ശേരി, ഹയർ സെക്കണ്ടറി പ്രിൻസിപ്പൽ റസിയ പി.ഐ എന്നിവർ പങ്കെടുത്തു. വിവിധ സംഘടനാ പ്രതിനിധികളും മാധ്യമ പ്രവർത്തകരും ചടങ്ങിൽ സംബന്ധിച്ചു.
മീഡിയ പ്രവർത്തകർക്കുള്ള ഐഡന്റിറ്റി കാർഡ് മുതിർന്ന മാധ്യമ പ്രവർത്തകൻ ഇ.എ ജയപ്രകാശിന് നൽകിക്കൊണ്ട് തൃശൂർ വിദ്യാഭ്യാസ ഉപഡയറക്ടർ അജിതകുമാരി എ. കെ ഉദ്ഘാടനം നിർവ്വഹിച്ചു. കലോത്സവ പരിപാടികൾ തത്സമയം പൊതുജനങ്ങളിലേയ്ക്ക് എത്തിക്കുന്നതിനായി വിപുലമായ സജ്ജീകരണങ്ങളാണ് വിവിധ മാധ്യമങ്ങളുടെ സഹായത്തോടെ മീഡിയ കമ്മിറ്റി ഒരുക്കുന്നത്.
കലോത്സവത്തിന്റെ ഭാഗമായി പൊതുജനങ്ങൾക്കായി ഫോട്ടോഗ്രാഫി മത്സരവും മീഡിയ കമ്മിറ്റി സംഘടിപ്പിച്ചിട്ടുണ്ട്. മത്സര ഇനങ്ങളിൽ വിജയികളായ കുട്ടികളുടെ ഫോട്ടോ എടുക്കുന്നതിനും മീഡിയകളുടെ പ്രവർത്തനങ്ങൾക്കുമായി കുന്നംകുളം ഗവ.മോഡൽ ബോയ്സ് എച്ച്എസ് എസിൽ മീഡിയ പവലിയനും ഒരുക്കിയിട്ടുണ്ട്.
