പറപ്പൂക്കാരന് യു.എ. ഖാദര്‍ സാഹിത്യ പുരസ്‌കാരം.
പറപ്പൂർ :
യു.എ. ഖാദര്‍ ഭാഷാശ്രീ സംസ്ഥാന സാഹിത്യ പുരസ്‌കാരത്തിന് തൃശൂര്‍ സെന്റ് തോമസ് കോളജിലെ ഭൗതിക ശാസ്ത്ര അധ്യാപകന്‍ ഡോ. ഡെയ്സന്‍ പാണേങ്ങാടന്‍ തെരഞ്ഞെടുക്കപ്പെട്ടു.
ഇദ്ദേഹത്തിന്റെ 'കൂര്‍പ്പ്' ലേഖന സമാഹാരമാണ് പുരസ്‌കാരത്തിന് അര്‍ഹത നേടിയത്. മലയാള ദിനപത്രങ്ങളില്‍ പ്രസിദ്ധീകരിച്ച 32 ലേഖനങ്ങളുടെ സമാഹാരമാണ് പുസ്തകം.
തൃശൂര്‍ പറപ്പൂര്‍ സ്വദേശിയാണ് ഡോ. ഡെയ്‌സണ്‍. 29ന് പേരാമ്പ്ര റീജണല്‍ കോ-ഓപ്പറേറ്റിവ് ബാങ്ക് ഓഡിറ്റോറിയത്തില്‍ നടക്കുന്ന ചടങ്ങില്‍, എഴുത്തുകാരനും സാഹിത്യ അക്കാദമി അവാര്‍ഡു ജേതാവുമായ യു.കെ. കുമാരന്‍ പുരസ്‌കാരം സമര്‍പ്പിക്കും.
