കോഴിക്കടയിൽ നിന്ന് നിരോധിത ലഹരി ഉൽപ്പന്നങ്ങൾ പിടികൂടി.
വേലൂർ :
വേലൂർ പഞ്ചായത്ത് പോസ്റ്റ് ഓഫീസ് സെന്ററിൽ പ്രവർത്തിക്കുന്ന കോഴിക്കടയിൽ നിന്ന് നിരോധിത ലഹരി ഉൽപ്പന്നങ്ങൾ പിടികൂടി.
എരുമപ്പെട്ടി എസ് ഐ മഹേഷ്, സി പി ഒ മാരായ അജി പനയ്ക്കൽ ,സഗുണൻ എന്നിവരുടെ നേതൃത്വത്തിൽ ഉള്ള പോലീസ് സംഘം പിടികൂടിയത്. ഇറച്ചി കടയുടെ മറവിലാണ് സ്കൂൾ പരിസരത്ത് ലഹരി ഉൽപ്പന്നങ്ങൾ വിൽക്കുന്നത്.
10 പ്രാവശ്യത്തിലേറെയായി ഈ കുറ്റത്തിന് താക്കീത് നൽകിയിട്ടും വീണ്ടും ലഹരി ഉൽപ്പന്നങ്ങൾ വിൽപ്പന നടത്തിയതിനാൽ ആണ് വേലൂർ സ്വദേശിയായ വടുതല രതീഷിനെ പോലീസ് അറസ്റ്റ് ചെയ്തത്.
