ആമ്പക്കാട് സെന്റ് മേരിസ് ദേവാലയത്തിലെ തിരുനാളിന് സമാപനമായി.
ഇന്നലെ രാവിലെ 10 മണിക്ക് നടന്ന ആഘോഷമായ തിരുനാൾ പാട്ടു കുർബാനയ്ക്ക് വികാരി ജനറാൾ മോൺ. ജോസ് കോനിക്കര കാർമ്മികത്വം വഹിച്ചു. ഫാ. ലിജോ ചിറ്റിലപ്പിള്ളി തിരുനാൾ സന്ദേശം നൽകി. വൈകിട്ട് 4: 30 ന്റെ വിശുദ്ധ കുർബാനയ്ക്കു ശേഷം ബാൻഡ് മേളത്തോടുകൂടിയുള്ള തിരുനാൾ പ്രദക്ഷിണവും ഫാൻസി വെടിക്കെട്ടും നടന്നു.
ഇന്ന് വൈകുന്നേരം 5:30 ന് സകല മരിച്ചവർക്കും വേണ്ടിയുള്ള വിശുദ്ധ കുർബാനയും ഓഫീസും തുടർന്ന് തൃശ്ശൂർ കലാസദൻ അവതരിപ്പിക്കുന്ന ഗാനമേളയോടെ തിരുന്നാളിന് സമാപനം ആകും. വികാരി ഫാ. ജോയ്സൺ കോരേത്ത്, ജനറൽ കൺവീനർ എ എൽ ജോൺ, കൈക്കാരന്മാരായ ജോമി ജോസഫ്, ഷാജു തേയ്ക്കാനത്ത്, ലാസർ ബെന്നി എന്നിവർ നേതൃത്വം നൽകി.
